"აჭარის წყლის ალიანსი“ აჭარის დაბებისა და სოფლების წყალმომარაგებისა და წყალარინების საპროექტო სოფლების ეკოკლუბებში, არაფორმალური განათლების აქტივობებს აგრძელებს.
პროგრამის ერთ-ერთი მიმართულება, მოზარდებში გარემოსდაცვითი ცნობიერების ამაღლება და მდგრადი განვითარების პრინციპების გაცნობაა.
შეხვედრები უკვე ჩატარდა კირნათის, ბარათაულის, ვაშლოვანის, კვირიკესა და მუხაესტატეს საჯარო სკოლების ეკოკლუბებში. მოსწავლეებმა სოფლების წყალმომარაგებისა და წყალარინების სისტემების მუშაობის პრინციპების შესახებ ინფორმაცია მიიღეს.
შეხვედრის მონაწილეები სეპტიკური ავზის მუშაობას, წყალარინების ინფრასტრუქტურის მნიშვნელობას და თანამედროვე წყალმომარაგების სისტემების სტანდარტებს ეცნობიან.
აჭარის დაბებისა და სოფლების წყალმომარაგების და წყალარინების პროგრამის ფარგლებში სულ 23 ეკოკლუბი ფუნქციონირებს.