აჭარის დაბებსა და სოფლებში წყალმომარაგებისა და წყალარინების ინფრასტრუქტურა შენდება.

აჭარის დაბებსა და სოფლებში წყალმომარაგებისა და წყალარინების ინფრასტრუქტურა შენდება.

სამშენებლო სამუშაოების პარალელურად, "აჭარის წყლის ალიანსმა“, მუნიციპალიტეტებში, სოფლების შესწავლა დაიწყო, რაც კომუნალური ინფრასტრუქტურის და წყლის რესურსების კვლევას მოიცავს.

ქობულეთის მუნიციპალიტეტში კვლევები სხვადასხვა სოფელში ჩატარდება: ქვედა კვირიკეს მეურნეობა, ბობოყვათი, ხუცუბანი და სამება. ხელვაჩაურის მუნიციპალიტეტში ზედა მახინჯაური და ქედის მუნიციპალიტეტში  სოფელი ნამისლევი. კვლევების დასრულების შემდეგ, საპროექტო-საინჟინრო დოკუმენტაცია მომზადდება და სამშენებლო სამუშაოების ტენდერი გამოცხადდება.

 "აჭარის წყლის ალიანსის“ დირექტორი თეიმურაზ ბედინაძე ქობულეთის მუნიციპალიტეტის სოფელ ხუცუბანის და ხელვაჩაურის მუნიციპალიტეტის სოფელ ზემო მახინჯაურის მოსახლეობას შეხვდა. შეხვედრაზე საუბარი პროექტის ფარგლებში მიმდინარე და დაგეგმილ სამუშაოებს შეეხო.

SHARE დახურვა