აჭარის მუნიციპალიტეტებში თანამედროვე წყალმომარაგებისა და წყალარინების ინფრასტრუქტურა შენდება.
სამუშაოები უკვე მიმდინარეობს დაბა ქედაში და სხვადასხვა სოფელში: ვაიო, აქუცა, მილისი, უჩხითი, ქოსოფელი, ტიბეთა, არსენაული. ასევე შუახევის მუნიციპალიტეტის სოფლებში: გომარდული, წანკალაური, ღორექეთი,სხეფელა, ვარჯანაული, ზემო ხევი, ჟანივრი.
„აჭარის წყლის ალიანსის“ წარმომადგენლები შუახევის მუნიციპალიტეტის სოფელ ბრილში და ქედის მუნიციპალიტეტის სოფელ ვაიოში, ადგილობრივ მოსახლეობას შეხვდნენ. შეხვედრაზე პროექტის მიმდინარე და დაგეგმილი სამუშაოების შესახებ ისაუბრეს.
მასშტაბური ინფრასტრუქტურული პროექტი წყალმომარაგების სათავე ნაგებობების, მაგისტრალური მილსადენების, რეზერვუარების, წყალარინების გამწმენდი ნაგებობების და წყალარინების ქსელების მშენებლობას ითვალისწინებს.
პროექტის ფარგლებში, ასევე ლაბორატორიები და წყლის მომსახურების მუნიციპალური საწარმოების ადმინისტრაციული შენობები აშენდება.
SHARE
SHARE