ქედის მუნიციპალიტეტში, თანამედროვე სტანდარტების წყალმომარაგების და წყალარინების სისტემები შენდება.
პროექტის ფარგლებში, დაბა ქედაში, 870 მ³ მოცულობის რეზერვუარის სამშენებლო სამუშაოები უკვე დაიწყო.
დაგეგმილია არსებული 570 მ³ რეზერვუარის რეაბილიტაცია და მოცულობის გაზრდა. პარალელურად წყლისა და წყალარინების ქსელების მოწყობა მიმდინარეობს.
ამ ეტაპზე ქედის მუნიციპალიტეტში სამუშაოები ერთდროულად რამდენიმე სოფელში ხორციელდება: ვაიო, აქუცა და ქოსოფელი.
აჭარის დაბებისა და სოფლების წყალმომარაგებისა და წყალარინების პროგრამის ფარგლებში, სამშენებლო სამუშაოები ქედის მუნიციპალიტეტის ჯამში 7 სოფელში და დაბა ქედაში ჩატარდება. ახალი კომუნალური ინფრასტრუქტურით 1 330 ოჯახი ისარგებლებს.
პროექტი აჭარაში წყალმომარაგების სათავე ნაგებობების, მაგისტრალური მილსადენების, რეზერვუარების, გამწმენდი ნაგებობებისა და წყალარინების ქსელის მშენებლობას ითვალისწინებს. სამუშაოების დასრულების შემდეგ, აჭარის 39 სოფელსა და დაბებს, 24-საათიანი, უწყვეტი წყალმომარაგება და გამართული წყალარინების სისტემა ექნება.