აჭარის დაბებსა და სოფლებში წყალმომარაგებისა და წყალარინების სისტემების მოსაწყობად საერთაშორისო ტენდერი გამოცხადდა

აჭარის დაბებსა და სოფლებში წყალმომარაგებისა და წყალარინების სისტემების მოსაწყობად საერთაშორისო ტენდერი გამოცხადდა.

საერთაშორისო ტენდერის ფარგლებში აჭარის 39 სოფელსა და დაბებში დაგეგმილია:

- წყალმომარაგების რეზერვუარების მშენებლობა;

- წყალმომარაგების მაგისტრალური და გამანაწილებელი ქსელის მშენებლობა;

- წყალარინების ქსელის მშენებლობა;

- წყალმომარაგების სათავე ნაგებობების მშენებლობა;

- წყალარინების გამწმენდი ნაგებობების მშენებლობა;

- მცირე და საშუალო ზომის სეპტიკური ავზების მშენებლობა;

- წყლის სატუმბო სადგურების მშენებლობა;

- საწყობების მშენებლობა;

- ლაბორატორიების მოწყობა;

საერთაშორისო ტენდერი ორ ნაწილადაა გაყოფილი, LOT-1 მოიცავს დაბების ტერიტორიებს, ხოლო LOT-2 სოფლების.

სარეაბილიტაციო სამუშაოებზე საერთაშორისო ტენდერი KfW სტანდარტების შესყიდვების თანახმად გამოცხადდა.

სამუშაოები FIDIC-ის რეგულაციების შესაბამისად განხორციელდება. საერთაშორისო ტენდერით დაინტერესებული კომპანიებისთვის, განაცხადების წარდგენის ბოლო ვადა - 30 მაისია. 

საერთაშორისო ტენდერის შესახებ ოფიციალური ინფორმაციის გამოთხოვნა შესაძლებელია ელ.ფოსტიდან: info@awa.ge

ინფორმაცია გამოცხადებული ტენდერების შესახებ, შეგიძლიათ იხილოთ ლინკზე: https://bit.ly/40D3Hyq და  https://bit.ly/40sHPGk