სს „აჭარის წყლის ალიანსის“, საქართველოს გარემოს დაცვისა და სოფლის მეურნეობის და აჭარის ფინანსთა და ეკონომიკის სამინისტროს წარმომადგენლები, სასწავლო ვიზიტით იმყოფებოდნენ საფრანგეთში, ლიონში. ვიზიტი აჭარის დაბებისა და სოფლების წყალმომარაგებისა და წყალარინების პროგრამის ფარგლებში იყო ორგანიზებული.
შეხვედრის მიზანს, ქართული დელეგაციისთვის „ხელოვნური ჭაობის“ ტექნოლოგიის გაცნობა წარმოადგენდა, რადგან აღნიშნული საქართველოში ჯერ არ გამოიყენება და შესაძლებელია მისი გამოყენება, როგორც არსებული სისტემის პოტენციური ალტერნატივა. პროგრამის ფარგლებში, საკონსულტაციო კომპანია Fichtner (LoT 1) აჭარაში 9 ერთეული ხელოვნური ჭაობის მოწყობას გეგმავს, წყალარინების წყლების გაწმენდის მიზნით. ქართულ დელეგაციას, ფრანგმა კოლეგებმა ხელოვნური ჭაობის ტიპის ჩამდინარე წყლების გამწმენდი ნაგებობის მშენებლობისა და ოპერირების შესახებ გაუზიარეს გამოცდილება.
სასწავლო ვიზიტის ფარგლებში, ექვს გამწმენდ ნაგებობაზე იმყოფებოდნენ, საიდანაც ერთ-ერთზე სამშენებლო სამუშაოები მიმდინარეობს. მიღებული პრაქტიკული გამოცდილება განსაკუთრებით მნიშვნელოვანია აჭარის მუნიციპალიტეტებში (ქედა, შუახევი, ქობულეთი) დაგეგმილი ხელოვნური ჭაობის ტიპის გამწმენდი ნაგებობების მოსაწყობად.
დელეგაციაში გარემოზე ზემოქმედების შეფასებასა და ნებართვებზე პასუხიმსგებელი პირები იმყოფებოდნენ, საქართველოს გარემოს დაცვისა და სოფლის მეურნეობის სამინისტროდან. მათთვის ტექნოლოგიის და მასთან ასოცირებული პოტენციური რისკების შესაფასებლად, კრიტიკულად მნიშვნელოვანი იყო ხელოვნური ჭაობის მუშაობის პრინციპის აღქმა.
სასწავლო ვიზიტი საკონსულტაციო კომპანიების MACS და Fichtner მიერ იყო ორგანიზებული, აჭარის დაბებისა და სოფლების წყალმომარაგებისა და წყალარინების პროგრამის ფარგლებში.
SHARE
SHARE