მუხაესტატეს და ქვედა კვირიკეს საჯარო სკოლებში გარემოსდაცვითი ნორმების და სტანდარტების შესახებ, არაფორმალური საგანმანათლებლო შეხვედრები ჩატარდა.
შეხვედრებზე, მოსწავლეები საერთაშორისო და ადგილობრივ გარემოსდაცვით ნორმებს და პროგრამის ფარგლებში განხორციელებულ აქტივობებს გაეცნენ. ასევე, ნახეს აჭარის მასშტაბით პროგრამის სარეაბილიტაციო არეალში დაცული ენდემური სახეობები.
აჭარის დაბებისა და სოფლების წყალმომარაგებისა და წყალარინების პროგრამის სოფლებში და დაბებში, ენდემური და საქართველოს წითელი ნუსხით დაცული სახეობების შესახებ, ინფორმაციის მისაღებად ბიომრავალფეროვნების კვლევები ჩატარდა.
ხულოს, ქედის, შუახევის და ხელვაჩაურის მუნიციპალიტეტში სარეაბილიტაციო ტერიტორიებზე აღმოჩნდა ენდემური სახეობები. სახეობების დაცვის მიზნით, მცენარეების თესლების შეგროვება და მოთესვა განხორციელდა. რამდენიმე ადგილზე, მოხდა მცენარეების გადარგვა.