სს „აჭარის წყლის ალიანსის“ წარმომადგენლებმა შუახევის მუნიციპალიტეტის მერთან ფრიდონ ფუტკარაძესთან სამუშაო შეხვედრა გამართეს.
შეხვედრას მერის მოადგილეები, მერიის ეკონომიკის, არქიტექტურისა და ინფრასტრუქტურის სამსახურის და კომუნალური სამსახურის წარმომადგენლები ესწრებოდნენ.
სამუშაო შეხვედრაზე მხარეებმა დაბის და სოფლების წყალმომარაგების, წყალარინების საკითხები განიხილეს, რომლის მიზანია მუნიციპალიტეტში თანამედროვე სტანდარტების 24 საათიანი უწყვეტი წყალმომარაგების და წყალარინების სისტემების შექმნა, ადგილობრივი მოსახლეობის ცხოვრების ხარისხის გაუმჯობესება, სოფლის ეკონომიკური და ტურისტული განვითარების ხელშეწყობა და ამ კუთხით წლების განმავლობაში არსებული პრობლემების აღმოფხვრა.
პროექტი გერმანია-საქართველოს შორის თანამშრომლობის ფარგლებში, KfW-თან და ევროკავშირთან ერთად ხორციელდება.