აჭარის დაბებისა და სოფლების წყალმომარაგებისა და წყალარინების პროგრამის ფარგლებში, აჭარაში 16 ეკოკლუბი შეიქმნა.
ეკოკლუბების ფარგლებში დაგეგმილი საგანმანათლებლო აქტივობების შესახებ, დღეს სამუშაო შეხვედრა გაიმართა. შეხვედრაზე სკოლების მიერ გამოვლენილი საჭიროებების ერთობლივად გადაჭრის მეთოდები განიხილეს.
შეხვედრას სს "აჭარის წყლის ალიანსის" დირექტორი თეიმურაზ ბედინაძე, აჭარის განათლების, კულტურისა და სპორტის მინისტრი მაია ხაჯიშვილი და საკონსულტაციო კომპანია MACS-ის პროექტის კოორდინატორი ლია დავითაძე ესწრებოდა.
აჭარის დაბებისა და სოფლების წყალმომარაგებისა და წყალარინების პროგრამის შედეგად, აჭარის მასშტაბით თანამედროვე კომუნალური ინფრასტრუქტურა იქმნება.